समायोजन खबर खोटाङ, खोटाङको केपिलासगढी गाउँपालिकाले फागुन मसान्तसम्म ३६ प्रतिशत वजेट खर्च गरेको छ।

बिहीबार सम्पन्न हिउँदे गाउँसभामा चालू आर्थिक वर्ष २०८२/०८३ मा विनियोजन भएको कूल ५० करोड ७ लाख ५९ हजार ३७३ रुपैयाँ वजेटमा चालूतर्फ ४२.६ प्रतिशत र पुँजीगततर्फ २१.६५ प्रतिशत वजेट खर्च भएको जानकारी दिएको छ।

गाउँपालिकाले फागुनसम्म ५७ प्रतिशत योजनाहरु सम्झौता गर्दा २९ प्रतिशत योजनाहरु फछ्र्यौट भएको प्रमुख प्रशासकीय अधिकृत सौ धन राईले जानकारी दिनुभयो। गाउँपालिकाले प्रक्षेपण गरेको वार्षिक ३५ लाख राजश्वमा फागुन मसान्तसम्म ७४.७८ प्रतिशत राजश्व संकलन भएको छ।

गाउँसभाले अघिल्लो गाउँसभाबाट स्वीकृत भएका तथा विभिन्न कारण कार्यान्वयनमा नआएका वजेट तथा कार्यक्रमहरु संशोधन गरेको गाउँपालिका अध्यक्ष समिर राईले बताउनुभयो।
यो पनि पढ्नुहोस,केपिलासगढी गाउँपालिकामा शिक्षामा सबैभन्दा बढी बजेट