समायोजन खबर खोटाङ, प्रेस चौतारी नेपाल जिल्ला शाखा खोटाङले आफ्नो २५ औं स्थापना दिवसका अवसरमा संस्थापक अध्यक्ष र पूर्वअध्यक्षलाई सम्मान गरेको छ।

स्थापना दिवसको अवसरमा आइतबार होटल शुभदिनमा शुभकामना आदानप्रदान तथा सम्मान कार्यक्रममा संस्थापक जिल्ला अध्यक्ष रमेशकुमार पौडेल र पूर्वअध्यक्ष हरिबोल आचार्यलाई दोसल्ला ओढाई सम्मान पत्र प्रदान गरेर सम्मान गरिएको प्रेस चौतारी नेपालका जिल्ला सचिव दिवस रिजालले जानकारी दिए।

पौडेल र आचार्यलाई नेकपा एमालेका अध्यक्ष रामप्रसाद दंगाल, दिक्तेल रुपाकोट मझुवागढी नगरपालिकाका उपमेयर बिसन राईले दोसल्ला ओढाई सम्मान गर्नुभएको थियो।

२०५८ सालबाट जिल्लामा प्रेस चौतारीको संस्थागत विकासदेखि प्रगतीशिल पत्रकारिता र लेखनका माध्यमबाट जिल्लामा पु¥याउनु भएको योगदानको उच्च कदर गर्दै सम्मान गरिएको प्रेस चौतारी नेपालका अध्यक्ष सिताराम राई(संजीव)ले बताए।

सम्मानित पौडेल अहिले नेकपा एमालेको केन्द्रीय सदस्य तथा आचार्य प्रेस चौतारी नेपाल प्रदेश १ को सह–संयोजकको जिम्मेवारी छन्।
यो पनि, प्रेस चौतारीको स्थापना दिवसमा विरामीलाई फलफुल वितरण