समायोजन खबर खोटाङ, प्रेस चौतारी नेपाल जिल्ला शाखा खोटाङले आफ्नो २५ औं स्थापना दिवसका अवसरमा बिरामीलाई फलफुल वितरण गरेको छ। स्थापना दिवसको अवसरमा आइतबार बिहान जिल्ला अस्पताल दिक्तेलमा उपचाररत आठजना विरामीहरुलाई फलफुल वितरण गरेको हो।

प्रेस चौतारीका संस्थापक जिल्ला अध्यक्ष रमेश पौडेल, हरिबोल आचार्य, जिल्ला समन्वय समिति प्रमुख सन बहादुर राई, दिक्तेल रुपाकोट मझुवागढी नगरपालिकाका मेयर तीर्थराज भट्टराई, जिसस उपप्रमुख सुरेश तामाङ, एमाले जिल्ला सचिव कुमार आचार्य लगायतले विरामीलाई फलफुल वितरण गर्नुभएको थियो।
स्थापना दिवसकै अवसरमा दिउँसो शुभकामना आदानप्रदान तथा संस्थापक जिल्ला अध्यक्ष पौडेल र आचार्यलाई सम्मान कार्यक्रम राखिएको प्रेस चौतारी नेपालका जिल्ला सचिव दिवस रिजालले जानकारी दिए।