समायोजन खबर खोटाङ, खोटाङको केपिलासगढी गाउँपालिका–१ फेदीमा गोठ माथिबाट पहिरो झर्दा एकवटा दुनो भैसी मरेको छ। शुक्रबार राती परेको अविरल वर्षाका कारण पहिरो झरेर गोठ पुरिदा फेदी चिलिम्खाका बडमणि राईको दुनो भैसी मरेको हो।

पहिरोको अनुगमन गर्दै गाउँपालिका अध्यक्ष समिर राई ।

पहिरोले थोरे भैसीको एक वटा खुट्टा भाँचिएको छ। पहिरोमा परेको गाई र पाडोलाई उद्धार गरि बचाईएको फेदीका वडाध्यक्ष निरकुमार राईले जानकारी दिए । पहिरोले भेडाको गोठमा थोेरै क्षति गरेको छ।

तपसी दामलुङ सडकको नयाँ ट्रयाक कारण पहिरो गएको हो। यस्तै, फेदीको शुक्रबारे बजारमा रहेको बुद्धिराज राईको घरमूनीबाट पहिरो गएपछि जोखिम बढेको छ। बुद्धिराजको घरमूनि रहेको दुजायान्ती राईको घर पनि जोखिममा परेको छ।

पहिरोका कारण पशु चौपाया मरेको तथा घरहरु जोखिममा परेको जानकारी आएपछि शनिबार गाउँपालिका अध्यक्ष समिर राईले स्थलगत अनुगमन गरेका छन्। अवस्था हेरेर राहत दिईने गाउँपालिका अध्यक्ष राईले बताए। राईका अनुसार पहिरोले फेदीमा वितण्डा मच्चाएको छ।