समायोजन खबर खोटाङ,
जिल्लाको ऐतिहासिक तथा पर्यटकीयस्थल तुवाचुङ–जायाजुमडाँडाबाट अवैधरुपमा ढुंगा निकाली रहेको अवस्थामा प्रहरीले तीन जनालाई नियन्त्रणमा लिएको छ ।  हलेसी तुवाचुङ नगरपालिका–७ महादेबस्थानमा पर्ने तुवाचुङ–जायाजुमडाँडाबाट अवैधरुपमा ढुंगा निकासीका लागि फोडिरहेको जानकारीका आधारमा  हलेसी तुवाचुङ नगरपालिका – ७ का धनबहादुर विक, चक्र विक र हिरे विकलाई नियन्त्रणमा लिएको जिल्ला प्रहरी कार्यालय खोटाङका प्रहरी निरिक्षक आमोदकुमार खेरवारले बताए । ढुंगा उत्खननका विषयमा ककसको संलग्नता रहेको भन्ने वारेमा अनुसन्धान भइरहेको प्रहरीले जनाएको छ ।

अवैधरुपमा ढुंगा फोडिरहेको जानकारी आएपछि तीन कामदारलाई ईलाका प्रहरी कार्यालय हलेसीबाट खटिएका प्रहरीको टोलीले नियन्त्रणमा लिएको  हलेसी तुवाचुङ नगरपालिकाका नगर प्रमुख इवन राईले बताए । मध्यपहाडी लोकमार्गको भित्ता क्रमशः खस्दा किराती सभ्यताको उद्गमस्थल मानिने तुवाचुङ जायाजुम पहिरोको जोखिममा पर्दै गएको छ ।
यो पनि पढ्नुहोस

आहा ! तुवाचुङ जयाजुङ

२०७६ असोज ९ गते साँझ ७ : २० मा प्रकाशित