समायोजन खबर काठमाण्डौ,
देशका अधिकांश भागमा आज वर्ष हुने र्मासम पूर्वानुमान महाशाखाले जनाएको छ । काठमाडौं उपत्यकामा आज बिहानैदेखि पानी परिरहको छ । पश्चिमी वायुको प्रभावले उच्च पहाडी भागमा भारी हिमपात र बर्षासँगै पहिरो जाने खतरा रहेको भन्दै बाढी पूर्वानुमान शाखाले सतर्क रहन सबैलाई आग्रह गरेको छ । बाढी पूर्वानुमान शाखाले सूचना जारी गर्दै उच्च पहाडी क्षेत्रमा भारी हिमपात र पहाडी क्षेत्रमा ठूलो बर्षा हुन सक्ने भएकाले हिमपहिरो र पहिरो जानसक्ने क्षेत्रमा सतर्क रहन आग्रह गरेको हो ।

पश्चिमी वायुको प्रभावको नयाँ प्रणाली बुधबारबाट नेपाल प्रवेश गरेकाले पश्चिमी भूभागमा सामान्यदेखि पूर्ण बदलीको भएको जनाइएको छ । आजदेखि शनिबारसम्म देशभर वर्षा र हिमपात हुने मौसमविद्हरुले बताएका छन् । यस्तै, खोटाङमा बिहानैदेखी मौसममा खराबी आएको छ । घाम लागेका छैनन् भने, बिहानैदेखी दिन धुम्मिएको छ । चिसोको मात्रा बढेको अनुभव गरिएको छ । लेकाली भूभागहरुमा हिउँ पर्ने संम्भावना गरिएको छ ।
२०७५ माघ २४ गते बिहान ९ : २१ मा प्रकाशित