समायोजन खबर खोटाङ,
खोटाङ प्राकृतिक प्रकोप सहयोग कोषले दुई अग्नी पिडित परिवारलाई राहत सहयोग गरेको छ । गत आईतबार राती भएको आगलागीबाट बिस्थापित हुँदा बिचल्नीमा परेका हलेसी तुवाचुङ नगरपालिका–५ दुर्छिम रातमाटेका कैलास राई र हर्क राईको परिवारलाई कोषले राहत प्रदान गरेको हो । कोषका प्रतिनिधि टेकेन्द्र राईमार्फत अग्नी पिडितलाई मंगलबार प्रतिपरिवार ५ हजारका दरले राहत रकम प्रदान गरिएको खोटाङ प्राकृतिक प्रकोप सहयोग कोष सञ्चालक समितिका कोषाध्यक्ष युगसन किरातले बताए ।

आगलागीमा सर्वस्व गुमाएर खुला आकाशमुनि बस्न बाध्य अग्नी पिडितको सहज जीवनयापनका लागि राहत प्रदान गरिएको कोषले जनाएको छ । आगलागी, चट्याङ, वर्षा, हावाहुरी लगायतका प्रकोप पिडितको सहयोगार्थ खोटाङ समाज हङकङको पहलमा २०७४ सालमा स्थापित २० लाखको कोषको व्याजबाट स्थापित कोषले अग्नी पिडितलाई राहत प्रदान गरेको हो । अग्नी पिडितलाई नगरपालिकाले पनि सोमबार खाद्यान्न तथा बन्दोबस्तीका सामान प्रदान गरेको मेयर इवन राईले बताए ।
यो पनि पढ्नुहोस
दुर्छिममा आगलागी, दुई जलेर नष्ट, बीस लाख बराबरको क्षति

२०७५ मंसिर ११ गते राती ८ः ३४ मा प्रकाशित