समायोजन खबर खोटाङ,
काभ्रेको कोशीपारीमा गएराती भएको ट्रक दुर्घटनामा परी दुई जनाको मृत्यु भएको छ । घटनामा तीनजना गम्भीर घाईते भएका छन् । २९ वर्षका सरोज पहरी र १९ वर्षका सुमन पहरीको धुलिखेल अस्पतालमा उपचारका क्रममा मृत्यु भएको जिल्ला प्रहरी कार्यालय धुलिखेलका प्रहरी उपरीक्षक रविराज खड्काले जानकारी दिए ।

काभ्रेको बिर्ता देउरालीबाट फलाँटेतर्फ जाँदै गरेको ना १ क ९५२४ नम्बरको खाली ट्रक अनियन्त्रित भई सडकबाट करिब एकसय फिट तल खसेको थियो । दुर्घटनामा परी गम्भीर घाइते भएका तीनजनाको धुलिखेल अस्पतालमा उपचार भइरहेको प्रहरीले जनाएको छ ।
२०७५ कार्तिक १८ गते बिहान ९ : १९ मा प्रकाशित