चिसाङ शेर्पा खोटाङ,
जिल्लाको रावाबेंसी गाउँपालिका–६ हौंचुरको वडा कार्यालयमा लागेको ताला चार दिनपछि खुलेको छ । वडाध्यक्ष र निर्माण उपभोक्ता समिति अध्यक्ष माथि आर्थिक हिनामिना गरेको भनि लगाइएको आरोप निराधार भएपछि तालाबन्दी खुलेको हो ।

वडा कार्यालयमा गाउँपालिका प्रमुख, उपप्रमुख, प्रशासकीय अधिकृत, विषयगत शाखाका प्रमुख, जालपा, खार्पाका असई, कुभिण्डे, खार्पाका वडाध्यक्ष र असन्तुष्ट स्थानियवासीहरुको उपस्थितीमा मंगलबार भएको सर्वदलीय, सर्वपक्षिय छलफलले आर्थिक हिनामिना नभएको निष्कर्ष निकालेको छ । साथै सर्वदलीय, सर्वपक्षीय छलफलले पाँचवटा कार्य गर्ने निर्णय समेत गरेको हौंचुरका वडाध्यक्ष यज्ञनारायण श्रेष्ठले जानकारी दिनुभयो ।

छलफलले जुंडी महादेवस्थान समितिले काम सम्पन्न गरेको र पुनः सर्वाजनिक सुनुवाई गर्ने, वडाले सवै योजनाको पुन, सार्वजनिक सुनवाई गर्ने, पुराना योजना तथा नयाँ योजनाहरुको पुन : जानकारी गराउने, सुचनाको हक सबैलाई पु¥याउने र हौंचुरको गिध्देदेखी जालपा पुछार कालो ढाडसम्मको सडक निर्माण उपभोक्ता समितिमा सदस्य थप गर्ने निर्णय समेत गरेको छ । उक्त सडक निर्माणका लागि वडाले ७ लाख ५० हजार बजेट बिनियोजन गरेको छ ।

वडामा सञ्चालन भएको ‘जुंडी महादेवस्थान’ योजनाका लागि गत आर्थिक वर्षमा वडाले ४ लाख ५० हजार बजेट बिनियोजन गरेको रकम हिनामिना भएको भन्दै स्थानियहरुले भदौ ९ गते वडा कार्यालयमा तालाबन्दी गरेका थिए ।

यो पनि पढ्नुहोस

तालाबन्दी खुलाउन भोली सर्वदलीय छलफल

आर्थिक हिनामिना गरेकामा हौचुर वडामा दुई दिनयता तालाबन्दी

२०७५ भदौ १२ गते साँझ ७ः ५४ मा प्रकाशित