समायोजन खबर खोटाङ,
खोटाङको हलेसी तुवाचुङ नगरपालिका–८ धितुङका चन्द्र किरातको करेन्ट लाग्दा मृत्यु भएको छ । पुरानो घरबाट तार टाँगेर अन्यत्र विद्युत लैजान खोज्दा करेन्ट लागेर किरातको शुक्रबार मृत्यु भएको हो । हाल हलेसी तुवाचुङ नगरपालिका–७ महादेबस्थानको ऐसेलुखर्कमा बस्दैआएका किरातको घरनजिकैको टहरामा विद्युत लैजानेक्रममा करेन्ट लागेको अनुमान गरिएको जिल्ला प्रहरी कार्यालय खोटाङका डिएसपी लोकदर्शन थापाले बताउनुभयो ।

घट्नाको प्रारम्भिक अनुसन्धानका लागि ईलाका प्रहरी कार्यालय हलेसीबाट प्रहरी निरिक्षक भुवन खड्काको नेतृत्वमा प्रहरी घट्नास्थल पुगेका छ । स्थानीय तहको निर्वाचनमा तत्कालिन नेकपा माओबादी केन्द्रकातर्फबाट वडाध्यक्षका लड्नुभएका किरातलाई दिउँसो ३ बजेतिर करेन्ट लागेको अनुमान गरिएको स्थानीय देबराज केसीले बताउनुभयो । किरात बालबच्चा धितुङमा राखेर ऐसेलुखर्कमा बस्दै आएका थिए ।
२०७५ साउन १८ गते साँझ ७ : ३३ बजे प्रकाशित