सरिता राई वैशाख /१९ भोजपुर,

भोजपुर सदरमुकाममा मोटरसाइकल एकआपसमा ठोकिदाँ दुई चालक गम्भिर घाइते भएका छन् । अहिले साँझ करिब ७ बजे स्थानिय शहिद पार्क नजिकै विपरीत दिशाबाट आइरहेको मोटरसाइकल एकआपसमा ठोकिदाँ दुवै मोटरसाइकल चालक भोजपुर नगरपालिका बोखिमका २२ वर्षिय कुमार घिमिरे र ट्याम्केमयुङ्ग गाउँपालिका छिनामखुका २९ वर्षिय प्रदुप राई गम्भिर घाइते भएका हुन् ।

साँझको समयमा एकअर्कालाई बाटो दिने क्रममा कुमार घिमिरेको स ४ प ४६६१ र प्रदुप राईको को २९ प ४५३३ नंम्बरको बाइक आपसमा दुर्घटना हुन पुगेको जिल्ला प्रहरी कार्यलय भोजपुरका प्रहरी निरीक्षक चरित्र विक्रम कार्कीले जानकारी दिनुभयो । गम्भिर घाइते दुवैको सिद्धकाली हस्पिटलमा उपचार भइरहेको छ ।