चिसाङ शेर्पा खोटाङ,
हलेसी तुवाचुङ नगरपालिका–७ महादेवस्थान कात्तिकेमा गोदावरी आमा समुहको भवन उद्घाटन गरिएको छ । नगरपालिकाको आर्थिक सहयोग र आमा समुहको सक्रियतामा निर्माण सम्पन्न भूकम्प प्रतिरोधात्मक दुइ कोठे भवनको उद्घाटन गरिएको हो ।

गोदावरी आमा समुहको आग्रह अनुसार हलेसी तुवाचुङ नगरपालिकाको ११ लाख र करीव डेढ लाखबढी जनश्रमदानबाट निर्मित सुविधा सम्पन्न भवनको बिहीबार नगरपालिकाका मेयर इवन राई र उपमेयर बिमला राईले संयुक्त रुपमा उद्घाटन गर्नुभएको गोदावरी आमा समुहकी अध्यक्ष डल्लीमाया राईले जानकारी दिईन् ।

भवन नहुंदा यसअघि विद्धालयको कक्षाकोठा, खुल्ला चउरमा आफ्नो नियमित कार्यालयगत कामकाज गर्दै आएको आमा समुहलाई भवन निर्माण भएपछि कामकाज गर्न सहजता भएको छ । हाल गोदावरी आमा समुह व्यवसायिक तरकारी खेतीमा जमिरहेका छन् । व्यवसायिक तरकारी खेती गर्नका लागि नगरपालिकाले टर्नेला, प्राविधिक सहयोग, विउ बिजन सहित १ लाख वरावरको सहयोग गरेको छ ।

समुहकी अध्यक्ष डल्लीमाया राईले मात्र गएको जेठबाट व्यवसायिक तरकारी खेतीबाट ५० हजारको आम्दानी गर्नुभएको छ । नगरपालिकाले सहयोग गरेको व्यवसायिक तरकारी खेतीमा ३२ जना आमा समुहका पदाधिकारीहरु लाभान्वित छन् ।
क्याप्सन : आमा समुहको भवन उद्घाटन कार्यक्रममा उपस्थित नगरपालिकाका मेयर इवन राई र उपमेयर बिमला राई, तस्विर समायोजन खबर, २०७५ साउन ३ दिउँसो ४ : २५ मा प्रकाशित