चिसाङ शेर्पा बैशाख/१० खोटाङ,
प्रदेश नं. १ का मुख्यमन्त्री शेरधन राई आज खोटाङ आउने भएका छन् । दिक्तेल रुपाकोट मझुवागढी नगरपालिकाको आवधिक नगर विकास योजनाको अन्तिम मस्यौदा सार्वजनिकीकरण कार्यक्रमका लागि दिक्तेल आउन लाग्नु भएको हो ।

बिहान ११ः३० बजे हेलिकोप्टरबाट दिक्तेल आउनुहुने मुख्यमन्त्री राईले आवधिक नगर विकास योजनाको अन्तिम मस्यौदा सार्वजनिकीकरणको अलवा कर्मचारीलाई निर्देशन, पत्रकार भेटघाट र पार्टीको स्वागत कार्यक्रममा सहभागी जनाउनु हुने मेयर दिपनारायण रिजालले जानकारी दिनुभयो ।

यसघघि मुख्यमन्त्री राई गएको माघ १९ गते सोही नगरपालिका–१३ नुनथलामा ‘ला ज्यालो वाङ थोप’ गुम्बाको शिलन्यास गर्न खोटाङ आउनुभएको थियो । उहाँको गृह जिल्ला भोजपुरमा मुख्यमन्त्री बनेपछि गएको चैत्र २६ गते साक्षर जिल्ला घोषणा गर्न भोजपुर आएका थिए ।