चिसाङ शेर्पा फागुन/१५ खोटाङ,
खोटाङ रुपाकोट मझुवागढी नगरपालिकामा आदिबासी जनजाती महासंग नगर समन्वय समिति गठन गरिएको छ । नेपाल आदिबासी जनजाती महासंघ जिल्ला समिति खोटाङको पहलमा अम्बर श्रेष्ठको अध्यक्षतामा ९ सदस्यीय आदिबासी जनजाती महासंघ रुपाकोट मझुवागढी नगरपालिका नगर समन्वय समिति गठन गरिएको हो ।

समन्वय समितिको उपाध्यक्षमा साङगे शेर्पा, सचिवमा सिता राई, कोषाध्यक्षमा भीम कुमारी मगर चयन भएका छन् । तीन दिनमा तामाङ घेदुङसंघबाट पदपुर्ती गर्ने गरी हाललाई सह–सचिव पद भने खाली रािखएको छ ।

नगरपालिकाभित्रका विभिन्न जनजातीय संगठनका प्रतिनिधिलाई समेटेर आदिबासी जनजाती महासंघ रुपाकोट मझुवागढी नगरपालिका समन्वय समिति गठन गरिएको हो । नेपाल आदिबासी जनजाती महासंघ जिल्ला समितिका अध्यक्ष हात्तीराम राई, उपाध्यक्ष कृष्ण बहादुर गुरुङ, सचिब रबिन खम्बु लगायतको उपस्थितिमा मंगलबार आदिबासी जनजाती महासंघ रुपाकोट मझुवागढी नगरपालिका समन्वय समिति गठन गरिएको हो ।