समायोजन खबर फागुन/११ खोटाङ
खोटाङको त्रिधार्मिक तथा पर्यटकीयस्थल हलेसीबजार आसपासका सार्वजनिक जग्गा मिचेर निर्माण गरिएको टहरा भत्काउन थालिएको छ । अस्तव्यास्त संरचना हटाउँदै हलेसीलाई सुन्दर धार्मिक नगरीकारुपमा बिकास गर्ने लक्ष्यकासाथ हलेसी तुवाचुङ नगरपालिकाले शुक्रबारदेखि सार्वजनिक एबं सडकको जग्गा अतिक्रमण गरेर बनाइएको टहरा लगायतका संरचना हटाउन थालेको हो । मापदण्ड बिपरितका संरचना हटाउनका लागि चौथोपल्ट दिएको म्याद बित्दा समेत अटेर गरेको पाइएपछि डोजर लगाएर टहरा भत्काउन थालिएको हलेसी तुवाचुङ नगरपालिकाका मेयर इवन राईले बताउनुभयो ।

सुरक्षाकर्मी सहित हलेसी पुगेका सहायक प्रमुख जिल्ला अधिकारी सन्तोष सुबेदीको उपस्थितिमा नगरपालिकाले टहरा भत्काउन सुरु गरेको हो । नगरपालिकाले हलेसी आसपासका २१ स्थानीयको २३ वटा टहरा भत्काएको छ । बाँकी टहरा पनि क्रमशः भत्काइने मेयर राईले बताउनुभयो । सार्वजनिक सुचना प्रकाशन, सूचना टाँस एबं माइकिङ गरेर आग्रह गर्दा समेत टहरा हटाउन अटेर गरिएपछि नगरपालिकाले बल प्रयोग गरेको जनाएको छ ।