समायोजन खबर माघ/२४ खोटाङ,

खोटाङको ऐसेलुखर्क गाउँपालिका–२, बाकाचोलमा ढुंगा माटो उत्खननमा रोक लगाइएको छ । वडाभित्रका विभिन्न ठाउँबाट अबैधरुपमा ढुंगा माटो उत्खनन गर्दै निकासी भइरहेको पाइएपछि वडा कार्यालयले प्राकृतिक श्रोत उत्खननमा रोक लगाएको हो ।

कच्ची सडकको कुनाबाट गरिएको उत्खननले सवारी साधनको आवागमनमा समेत अवरोध पुगेकाले ढुंगा माटो उत्खननमा रोक लगाइएको वडाध्यक्ष सन्तबीर तामाङले बताउँनुभयो ।

माघ १४ गतेको बैठकको निर्णय अनुसार वडा कार्यालयले कच्ची सडक तथा ट्र्याकमा पानी नछाड्न वडाबासीलाई आग्रह गरेको छ । जथाभावी छाडिएका पानीले सडक हिलाम्मे हुँदा सवारी साधन गुड्न असहज भएको वडाध्यक्ष तामाङले बताउँनुभयोे ।