समायोजन खवरमंसिर/२२ खोटाङ

ओखलढुंगामा वाम गठबन्धनले फराकिलो मतान्तर बनाएपछि मत गणना नसकिदैं विजय जुलुस सुरु भएको छ । प्रदेशसभा क तर्फका वामगठबन्धनका उमेद्जवार अम्बिरबाबु गुरुङले जित्ने निश्चित भएसँगै गठबन्धनका समर्थकहरुले जुलुस सुरु गरेका हुन् । वाम गठबन्धनबाट उम्मेदवारी दिएका एमाले नेता गुरुङले १५५०५ पाउँदा नेपाली कांग्रेसका मित्रसेन दाहालले ९१०२ मत पाएका छन् ।

सिद्धिचरण नगरपालिका सहित चिशंखुगढी र मोलुङ गाउँपालिकाको मतगणना सकिएको छ । अहिले खिजीदेम्बा गाउँपालिकाको मत गणना भईरहेको छ । अब गणना गर्नबाँकी मत भन्दा गुरुङले अग्रता लिएको मत बढि भएकाले उनको जित निश्चित बनेको हो । खिजीदेम्बाको मतगणना सकिएपछि प्रदेशसभा क को मतगणना सकिने छ । प्रतिनिधि सभामा पनि कांग्रेसका रामहरि खतिवडा भन्दा एमालेका यज्ञराज सुनुवार अगाडि छन् ।