समायोजन खबर खोटाङ, खोटाङमा वैज्ञानिक अन्वेषण तथा विज्ञान–गणित प्रदर्शनी हुने भएको छ।

विधार्थीहरुमा वैज्ञानिक चेतना, गणितीय सीप र नवप्रवर्तन क्षमताको विकास गर्ने उद्देश्यले आगामी बैशाख ३ गतेदेखी ७ गतेसम्म शुभम फाउण्डेसन सोल्मामा प्रदर्शनी हुने भएको हो।

हिमालय मावि सोल्माको पहल, शुभम फाउण्डेसन र दिक्तेल रुपाकोट मझुवागढी नगरपालिकाको सह–आयोजना तथा कोशी प्रदेश सामाजिक विकास मन्त्रालयको आर्थिक सहयोगमा प्रदर्शनी कार्यक्रम हुने शुभम फाउण्डेसनका प्रबन्ध निर्देशक सुर्य राईले जानकारी दिनुभयो।

पाँचदिने प्रदर्शनीमा बैशाख ३ गते स्टल अवलोकन तथा प्रदर्शनी र उद्घाटन, बैशाख ४ गते एआईको महत्व शीर्षकमा निबन्ध लेखन, रोबोकार रेस, बैशाख ५ गते प्यानल डिस्कसन,पर्यावरणीय साहित्यिक गोष्ठी, जुहारी र साकेला सिली, बैशाख ६ गते विज्ञान प्रदर्शनी, प्यानल डिस्कसन, धिरज राई र चाप्रा ब्याण्डको प्रस्तुती र बैशाख ७ गते पुरस्कार वितरणसँगै औपचारिक रुपमा कार्यक्रम समापन हुनेछ।

प्रदर्शनीमा परियोजना प्रतिस्पर्धामा प्रथम हुनेले २० हजार, दोश्रोले १० हजार, तेश्रोले ५ हजार, रोबो कार रेस र निबन्ध प्रतियोगितामा प्रथम हुनेले १५ हजार, दोश्रोले १० हजार, तेश्रोले ५ हजार पुरस्कार प्राप्त गर्नेछन्।

प्रदर्शनीले स्थानीय प्रविधि र सीपलाई आधुनिक बिज्ञानसँग जोडेर प्रवद्र्धन गर्ने, आर्टिफिसियल इन्टेलिजेन्स र रोबोटिक्सजस्ता अत्याधुनिक प्रविधिमा युवाहरुको पुहँच पु¥याउने तथा विधार्थी र शिक्षकहरुको उत्साह बढाउनेछ। प्रदर्शनीमा रेडपाण्डा मुखरित भुन्टे नामको एआई रोबोट समेत राखिने र उक्त रोबोटसँग प्रत्यक्ष कुराकानी गर्न सकिने जानकारी दिईएको छ।