समायोजन खबर खोटाङ, खोटाङमा छुरा प्रहारबाट युवक मध्यम घाईते भएका छन्।

केपिलासगढी गाउँपालिका–७ सुङदेलटारमा सोही ठाउँका २७ वर्षीय सन्तोष राईको छुरा प्रहारबाट २५ वर्षीय बिक्रम राई घाईते भएका हुन्।

सामान्य विवादका क्रमम मंगलबार साँझ ७ बजे सन्तोषले बिक्रमको दाहिने कोखाको करङमूनी पेट छेउमा छुरा प्रहार गरेको प्रहरीले जनाएको छ।

घाईतेको स्वास्थ्य चौकी सुङदेलमा उपचार भईरहेको छ। उनी बोल्न सक्ने अवस्थामा छन्। छुरा प्रहार गर्ने व्यक्ति फरार रहेको र उनको खोजतलास भईरहेको प्रहरीले जनाएको छ।