समायोजन खबर खोटाङ, खोटाङको बराहपोखरी गाउँपालिका–५ पौवासेरास्थित सुनकोशी नदीमा  शव फेला परेको छ।

नदीको बीच भागमा रहेको ढुंगामा अन्दाजी १६ वर्षीय पुरुषको शव नाङ्गो र घोप्टो अवस्थामा सोमबार बिहान स्थानीयले फेला परेको हो।

शव फेला परेको खबर स्थानीयबाट आएपछि प्रहरी चौकी देबिस्थानबाट प्रहरी हवल्दार ध्वज बहादुर तामाङको नेतृत्वमा टोलि गई शवलाई नदीको किनारमा निकालेर सुरक्षित राखेकोे छ।

शवको हुलिया गहुगोरो, उचाई अन्दाजी ५ फिट, कालो कपालमा हल्का रातो रंग लगाएको हल्का लामो, मंगोलियन अनुहार भएको प्रहरीले जनाएको छ।

भेटिएको शव जेठ १० गते सुनकोशी नदीमा पौडी खेल्ने क्रममा बगेका हलेसी तुवाचुङ नगरपालिका–२ डिकुवाका १६ वर्षीय सविन राईको हुन सक्ने प्रारम्भिक अनुमान गरिएको तर सनाखत भईनसकेको जिल्ला प्रहरी कार्यालय खोटाङले जनाएको छ। शवलाई जिल्ला अस्पताल दिक्तेल ल्याउने तयारी भईरहेको छ।