समायोजन खबर खोटाङ, खोटाङमा क्रियाशिल पत्रकार राजकुमार भट्टराई र सविना अछामे पुरस्कृत भएका छन्।

११५ औं अन्तर्राष्ट्रिय महिला दिवसको अवसरमा हलेसी तुवाचुङ नगरपालिकाले शनिबार महादेवस्थानस्थित हलेसी मन्दिर प्राङगणमा भट्टराई र अछामेलाई पुरस्कृत गरेका हुन्।

पत्रकारिताको माध्यमबाट नगरपालिकाको समग्र विकासमा पु¥याएको योगदानको उच्च कदर गर्दै पत्रकारद्धयलाई जनही नगद २५ हजारसहित पुरस्कृत गरिएको हलेसी तुवाचुङ नगरपालिकाका मेयर विमला राईले बताए।

भट्टराई र अछामेलाई पूर्व अर्थमन्त्री एवंम् प्रतिनिधिसभा सदस्य डाक्टर प्रकाशसरण महतले पुरस्कार वितरण गरेका हुन्।

रावाबेशी गाउँपालिका–५ हौचुरका भट्टराई पत्रकार महासंघ जिल्ला शाखाका सचिव हुन् भने, दिक्तेल रुपाकोट मझुवागढी नगरपालिका–१ दिक्तेलका अछामे पत्रकार महासंघ जिल्ला शाखाका महिला उपाध्यक्ष हुन्।
यस्तै, कार्यक्रमको अवसरमा सल्लेकी महिला उद्यमी हिरा श्रेष्ठ र अर्खौलेकी कविता राईलाई पनि जनही २५ हजारसहित सम्मान गरिएको छ।