समायोजन खबर खोटाङ, खोटाङमा सिकार खेल्न गएका केपिलासगढी गाउँपालिका–१ फेदी पिपिङका ५८ वर्षीय जगत प्रसाद राईको मृत्यु भएको छ।

कार्तिक २१ गते साँझ ७ बजे फेदीको हात्तीढुंगे जंगलमा सिकार खेल्न गएका राईको मृत्यु भएको हो।

भरुवा बन्दुक पड्केको आवाज उनका आफन्तहरुले सुनेपछि जंगलमा गई हेर्दा जगतप्रसाद घट्नास्थलमै उतानो परेको र छातिबाट रगत बगी मृत अवस्थामा फेला परेको थियो।

प्रहरी चौकी खार्ताम्छाबाट खटेको प्रहरी टोलीले घट्नास्थल सुरक्षित राखेको छ। घट्नाको थप अनुसन्धान तथा कानूनी प्रक्रियाका लागि बिहीबार(आज)बिहान जिल्ला प्रहरी कार्यालयबाट प्रहरी निरीक्षक सञ्जु कार्कीको कमाण्डमा प्रहरी टोली घट्नास्थलतर्फ खटेको छ।