समायोजन खबर खोटाङ, खोटाङको दिक्तेलबजारमा पत्रकार र फोटो स्टुडियो व्यवसायीका लागि फोटोग्राफी र भिडियोग्राफी तालिम सुरु भएको छ।

घरेलु तथा सानो उद्योग खोटाङको एक लाख ५० हजार आर्थिक सहयोग, एभरेष्ट फिल्म एकेडेमी काठमाण्डौको प्राविधिक सहयोगमा हिमालयन आइटी इन्स्टिच्युट दिक्तेलले १० दिने तालिम सुरु गराएको हो।

तालिम इन्स्टिच्युटको कार्यालय सल्लेरी टोल दिक्तेलमा ५ जेष्ठदेखि सुरु भएको छ। तालिममा जिल्लामा क्रियाशिल पत्रकार, फोटो स्टुडियो व्यवसायी र केही विधार्थीहरु गरी ५० जना सहभागी छन्।
तालिमको सहजीकरण एभरेष्ट फिल्म एकेडेमीका सिनियर विधार्थीद्धय विकास सिटौला र सौगन्ध डंगोलले गरिरहेका छन्। पत्रकार र स्टुडियो व्यवसायीलाई फोटोग्राफी र भिडियोग्राफी अझ अब्बल बनाउन, युवालाई यहि सीप सिकाएर रोजगारीमा जोड्न तालिमको आयोजना गरिएको हिमालयन आइटी इन्स्टिच्युटका प्रमुख अजय बस्नेतले बताए।