समायोजन खबर खोटाङ, जिल्ला अस्पताल खोटाङले ओपिडिको टिकट काट्ने समय परिवर्तन गरेको छ। अस्पतालको निर्णय अनुसार १५ मंसिरबाट समय परिवर्तन गरेको हो।

परिवर्तन गरिएको समय अनुसार आईतबार देखि बिहीबारसम्म बिहान साढे ९ बजेदेखि मध्यान्ह साढे १२ बजेसम्म र शुक्रबार बिहान साढे ९ बजेदेखि मध्यान्ह १२ बजेसम्म ओपिडिमा टिकट काटेर सेवा लिन पाईने अस्पतालका निमित्त प्रमुख पुस्कल राईले जानकारी दिए।

यसअघि बिहान १० बजेदेखि दिउँसो १ बजेसम्म ओपिडिको टिकट काटेर सर्वसाधारणले सेवा लिंदै आएको थियो।