समायोजन खवर असोज ६ खोटाङ,
हराएको तीन दिन पछि खोटाङको रुपाकोट मझुवागढी नगरपालिका १० पाथेकाकी एक वृद्धा मृत अबस्थामा सब फेला परेको छ । घरमा कोहि नभएको र कसैले थाहा नदिई सम्पर्क बिहिन बनेकी ७१ वर्षीया राई बिहिबार बेलुकी मृत फेला परेकी हुन् । गत मङ्गलबार बेलुकादेखि हराएकी वृद्धालाई खोजी गर्नेक्रममा बिहीबार बेलुका मृत फेला पारिएको स्थानीयले बताएका छन् । स्थानीय हात्तिराम राईका अनुसार घर नजिकै रहेको भीरको फेदमा स्थानीयबासीहरुले वृद्धालाई मृत फेला पारेका हुन् ।

घटनास्थलको प्रकृति हेर्दा वृद्धाको भीरबाट लडेर मृत्यु भएको हुन सक्ने स्थानीयको अनुमान छ । वृद्धाको शव रहेको माथितिर झारपात लतारिएको र शवसमेत छेदविच्छेद अवस्थामा रहेको प्रत्यक्षदर्शीले बताएका छन् । स्थानीयले वृद्धाको शव फेला पारेपछि आफूहरुलाई खबर गरेको र घटनास्थलमा प्रहरी पठाइएको जिल्ला प्रहरी कार्यालय खोटाङका प्रहरी नायब उपरीक्षक लोकदर्शन थापाले जानकारी दिनुभयो । प्रनाउ थापाका अनुसार वृद्धाको मृत्युबारे प्रहरीले अनुसन्धान गरिरहेको जनाइएको छ ।

वृद्धाको शव परीक्षणका लागि जिल्ला अस्पताल खोटाङ ल्याइँदै गरिएको प्रहरीले जनाएको छ । घटनास्थल सदरमुकाम दिक्तेल बजारको उत्तरपूर्वी क्षेत्रमा पर्दछ ।