समायोजन खबर, पछिल्लो २४ घण्टामा देशभर थप ७६० जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ६,१६८ पीसीआर परीक्षणमा ६३६ र ५,८६३ एन्टिजेन परीक्षणमा १२४ जना गरी ७६० जनामा संक्रमण पुष्टि भएको हो।

पछिल्लो २४ घण्टामा थप ११ संक्रमितको मृत्यु भएको मन्त्रालयले जनाएको छ। सोही अवधीमा थप ८९९ जना कोरोना संक्रमणमुक्त भएका छन्।

हाल देशभर कोरोना भाइरसका सक्रिय संक्रमित १५ हजार ३४० जना रहेको मन्त्रालयले जनाएको छ।