समायोजन खबर, पछिल्लो २४ घण्टामा देशभर थप १, ०३० जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ५ हजार ८९३ पीसीआर परीक्षण गर्दा ८१२ जना र ४ हजार ९८१ एन्टिजेन परीक्षण गर्दा २१८ गरी १ हजार ३० जनामा कोरोना भाइरसको संक्रमण देखिएको हो।

योसगँै नेपालमा कोरोना संक्रमितको कुल संख्या ७ लाख ९८ हजार ४ पुगेको छ। मन्त्रालयका अनुसार पछिल्लो २४ घण्टामा कोरोना संक्रमणबाट १० जनाको मृत्यु भएको छ । नेपालमा हालसम्म कोरोनाका कारण ११ हजार १७४ जनाको मृत्यु भएको छ।

पछिल्लो २४ घण्टामा थप १ हजार जना कोरोना संक्रमणमक्त भएको मन्त्रालयले जनाएको छ। हालसम्म नेपालमा ७ लाख ७० हजार २२४ जना संक्रमणमुक्त भएका छन्। मन्त्रालयका अनुसार हाल देशभर सक्रिय संक्रमितको संख्या १६ हजार ६०६ जना रहेका छन्।