समायोजन खबर, नेकपा एमालेको संसदीय दल र स्थायी कमिटीको बैठक आज ब‍स्‍दैछ। मंगलबार दिउँसो ३ बजे बानेश्वरमा संसदीय दल र बिहान ११ बजे तुलसीलाल स्मृति भवनमा स्थायी कमिटी बैठक बस्‍दैछ।

सरकारले गएराति १२ बजेदेखि दुवै प्रतिनिधि सभा र राष्ट्रियसभाको अधिवेशन अन्त्य गरेपछि अध्यादेश ल्याउन लागेको भन्‍दै तर‌ंग फैलिएको छ। कांग्रेस सभापतिसमेत रहेका प्रधानमन्त्री शेरबहादुर देउवा नेतृत्व सरकारले एमाले र जनता समाजवादी पार्टी जसपा फुटाउन अध्यादेश ल्याउने बिषयमा छलफल गरिरहेको छ।

नेकपा एमालेका अध्यक्ष केपी शर्मा ओलीले सोमबार साँझ एक एक विज्ञप्ति जारी गर्दै ओलीले एमाले र एमालेको संसदीय दलमा विभाजन गर्ने कुनै पनि बाहना र षडयन्त्र क्षम्य नहुने बताएका छन्।

‘केही समययता नेकपा एमाले र अन्ततः नेपाली कम्युनिष्ट आन्दोलनलाई नै विभाजन गर्ने र समाप्त पार्न खोज्ने गम्भीर षडयन्त्र भैरहेको हामीले देखी भोगिरहेका छौँ। पूर्व घोषित प्रतिबद्धता विपरीत प्रतिनिधि सभाको चालु अधिवेशन हठात अन्त्य गरेर राजनीतिक दलसम्बन्धी अध्यादेश ल्याउने र नेकपा एमालेलाई विभाजन गर्ने षडयन्त्र गरिँदैछ,’ ओलीले विज्ञप्तिमा भनेका छन्, ‘नेकपा एमाले र यस पार्टीको संसदीय दलमा विभाजन गर्ने कुनै पन बहाना वा षडयन्त्र पार्टीका लागि मान्य र क्षम्य हुन सक्तैन । तसर्थ पार्टीका सम्पूर्ण नेता, कार्यकर्ता र प्रतिनिधि सभा तथा राष्ट्रिय सभाका माननीय सदस्यहरुलाई पार्टी वा संसदीय दल विभाजनका प्रयासहरु विरुद्ध दृढताका साथ उभिन अपिल गर्दछु ।’