समायोजन खबर खोटाङ, खोटाङको दिप्रुङ चुईचुम्मा गाउँपालिकामा थप १४ जनामा कोरोना संक्रमण पूष्टि भएको छ। आईताबार दिप्रुङ चुईचुम्मा गाउँपालिका–७ टेम्मा र याम्खामा परीक्षण गर्दा संक्रमितहरु फेला परेको हो।

टेम्माको ज्यामिरेमा २५ जनाको एन्टिजेन परीक्षण गर्दा १२ जनामा र याम्खामा दुई जनामा कोरोना संक्रमण देखिएको गाउँपालिकाले जनाएको छ।

हालसम्म गाउँपालिकामा ५० जनाको परीक्षण गर्दा २१ जनामा संक्रमण देखिएको छ । कूल २१ संक्रमितमध्ये स्वासप्रस्वासमा समस्या देखिएपछि ४ जनालाई याम्खाको अस्थायी कोभिड अस्पतालमा राखिएको छ। अन्य होम आइसोलेसनमा छन्।

आईतबारदेखि दिप्रुङले सातै वडामा एन्टिजेन परीक्षण गर्ने काम सुरु गरेको छ ।