समायोजन खबर खोटाङ, निर्वाचन आयोगमा नेकपा एमालेको माधव नेपाल समूहका युवा नेता जीवन राईको नेतृत्वमा नयाँ राजनीतिक दल दर्ता भएको छ ।

राईको नेतृत्वमा नेपाल कम्युनिष्ट पार्टी (एकीकृत) दर्ता भएको हो। वैशाख ७ गते दर्ता भएको यो दलको चुनाव चिन्ह कलम माग गरिएको छ ।

पार्टीको महासचिवमा विनोद खुलाल हुनुहुन्छ । त्यसैगरी उपाध्यक्षमा कल्पना गुरुङ,सचिव ऐनविक्रम कुँवर र कोषाध्यक्ष सुशील खनाल हुनुहुन्छ ।

निर्वाचन आयोगका आयुक्त दिनेशकुमार थपलियाका अनुसार संखुवासभाका राईले वैशाख ७ गते केन्द्रीय सदस्यसहितको विवरण पेश गरेर दल दर्ताका लागि निवेदन दिनु भएको थियो ।