समायोजन खबर खोटाङ, पछिल्लो २४ घण्टामा देशभर थप ८ हजार ५२० जनामा कोरोना संक्रमित पुष्टि भएका छन्।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा २० हजार ९४८ जनाको पीसीआर विधि र ५३० जनाको एन्टीजेन विधिबाट परीक्षण गर्दा आठ हजार ५२९ जना संक्रमित पुष्टि भएको हो ।

पछिल्लो २४ घण्टामा २०३ जना संक्रमितको मृत्यु भएको छ । नेपालमा हालसम्म ४ हजार ६६९ जनाको मृत्यु भएको छ। हाल सक्रिय संक्रमितको संख्या एक लाख ७ ३३६ हजार पुगेको छ। ५१६ जना व्यक्ति क्वारेन्टाइनमा छन्।

स्वास्थ्य मन्त्रालयका अनुसार आज देशभर ६ हजार १३५ जना व्यक्ति निको भएका छन्। पछिल्लो २४ घण्टामा काठमाडौं उपत्यकामा मात्रै ३ हजार ३४९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौंमा २ हजार ४५८, भक्तपुरमा ३३५ र ललितपुरमा ५५६ जनामा गरी कुल ३ हजार ३४९ जना थपिएको जानकारी दिनुभयो।