समायोजन खबर खोटाङ, नेपाली कांग्रेसले नेपाल कम्युनिष्ट पार्टी (नेकपा) औपचारिक रुपमै विभाजन नभएसम्म कुनै पनि समूहसँग सहकार्य नगर्ने निर्णय गरेको छ ।

बिहीबार सभापति शेरबहादुर देउवा निवासमा बसेको पार्टीका पूर्व र वर्तमान पदाधिकारीहरुसँगको छलफलमा सभापति देउवाले नेकपा दुबै पक्षबाट सहकार्यको प्रस्तवा आएको जानकारी दिँदै राय माग्नु भएको थियो ।

उक्त विषयमा कांग्रेसले नेकपा औपचारिक रुपमा विभाजन नभएसम्म कुनै पनि समूहलाई समर्थन नगर्ने निर्णय गरेको हो । नेकपा कानुनी रुपमा विभाजित भइनसकेकाले कांग्रेसले थप निर्णय गर्न आवश्यक नरहेको नेताहरुको राय छ ।