समायोजन खबर खोटाङ, आज देशभरबाट एक हजार ३१३ जना कोरोना संक्रमित थपिएका छन् । शुक्रबार स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा एक हजार ३१३ जना नयाँ सङ्क्रमितको पुष्टि भएको हो ।

मन्त्रालयले नियमित प्रेस ब्रिफिङ्कको क्रममा पछिल्लो चौबीस घण्टामा १२ हजार २६२ जनाको आरटीपीसीआर परीक्षण गरिएको छ । थपिएका नयाँ सङ्क्रमितसँगै कुल सङ्क्रमित ७० हजार ६१४ पुगेको छ ।

पछिल्लो २४ घण्टामा एक हजार ४५५ जना संक्रमित निको भएर घर फर्केका छन् । यससँगै निको भएकाको संख्या ५१ हजार ८६६ पुगेको छ । मन्त्रालयले हाल १८ हजार २८९ जनामा कोरोनाभाइरसको सङ्क्रमण सक्रिय रहेको जनाएको छ ।

यस्तै,पछिल्लो २४ घण्टामा काठमाडौं उपत्यकामा ६४५ कोरोना संक्रमित थपिएका छन्।स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार काठमाडौंमा ५०३, ललितपुरमा ९१ र भक्तपुरमा ५१ जना गरी जम्मा ६४५ जनालाई कोरोना संक्रमण देखिएको छ।२०७७ असोज ९ गते साँझ ५ :२० मा प्रकाशित