समायोजन खबर खोटाङ, पछिल्लो २४ घण्टामा थप १२२८ जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयले दैनिक प्रेस ब्रिफिङमा पछिल्लो २४ घण्टामा थपिएकासँगै सङ्क्रमित हुने कुल ४२ हजार पुगेको जनाइएको छ ।

पछिल्लो २४ घण्टामा १३ हजार ४१३ आटी पीसीआर परीक्षण भएको थियो । सकृय सङ्क्रमितहरू १८ हजार ४१३ रहेका छन् । संस्थागत आइसोलेसनमा दश हजार ६७१ रहेका छन् । होम आइसोलेसनमा सातहजार ७४२ रहेका छन् ।

पछिल्लो २४ घण्टामा ९१७ जना कोरोना सङ्क्रमित निको भएर घर फर्केका छन् । कुल डिस्चार्ज भएकाहरू २४ हजार २०७ पुगेको छ ।

यस्तै गएको २४ घण्टामा ६ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या दुई सय ५७ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।२०७७ भदौ १८ गते अपरान्ह ४ :५६ मा प्रकाशित