समायोजन खबर काठमाण्डाै, खाडीका देश र मलेसियामा काेराेना सङ्क्रमण बढीरहेकाे अवस्थामा  त्यहाँ रहेका २६ जना नेपाली श्रमिकमा पनि यसकाे सङ्क्रमण देखिएकाे छ । साउदीमा ४ जना नेपाली श्रमिकलाई काेराेना सङ्क्रमण भएकाे पुष्टि भएपछि सङ्क्रमितकाे सङ्ख्या २६ पुगेकाे हाे ।

अहिलेसम्म बहराइनमा १२, यूएईमा ८, साउदीमा ४, कुवेतमा १, मलेसियामा १ जना गरी जम्मा २६ जना  नेपाली श्रमिकलाई कोरोना सङ्क्रमण भएकाे पाइएकाे छ । तर यूएईमा भने दुई जना निको पनि भइसकेका छन् । ६ जनाको अस्पतालमा उपचार भइरहेको छ ।

खाडी देशमा सङ्क्रमण बढ्न थालेपछि अहिले  त्यहाँकाे सरकारले पनि सुरक्षा सतर्कता  बढाएको छ । तपाईँ खाडीका देश र मलेसियामा हुनुहुन्छ भने कुनै स्वास्थ समस्या भएमा वा कोरोनाको शंका लागेमा तुरुन्त स्वास्थ्य जाँच गर्नुहोस् ।२०७६ चैत २४ गते बिहान ९ :२६ मा प्रकाशित