चिसाङ शेर्पा खोटाङ,
पश्चिमी न्यूनचापीय वायुको प्रभावले खोटाङको विभिन्न भूभागमा भारी हिमपात भएको छ । शुक्रबार मध्यान्हपछि पानी परेर रातको समयमा जिल्लाको उच्च भूभागहरुमा भारी हिमपात भएको हो । हिमपातका कारण शनिबार बिहानैबाट अत्याधिक चिसो हावा चलेको छ ।

नुनथलाको टोड्के जंगल, गोपेनी, हौचुर, मुढेडाँडा, रुपाकोटडाँडा, पैयाँ, लाली, खार्मीको उच्च माग, राखावाङ्देलको उच्च भागहरु, दोर्पा चिउरीडाँडा, निर्मलीडाँडा, नेर्पाको उच्च भेग, रतन्छा, छितापोखरी, वाप्लुखा, खिदिमा, ट्याम्केडाँडा लगायतका उच्च भेगहरुमा हिमपात भएको स्थानीयहरुले जानकारी दिएका छन् ।

हिमपातका कारण जनजीवन प्रभावित भएको छ । किसानहरु भने हर्षित भएका छन् । गत वर्षमा खोटाङमा १५ माघ र १६ फागुनमा भारी हिमपात भएको थियो ।

२०७६ पौष १९ गते बिहान ८ :५० मा प्रकाशित