चिसाङ शेर्पा खोटाङ,
खोटाङमा विधुत अवरुद्ध भएको छ । उदयपुरको गाईघाट–जलजले रुटमा शनिवार राती आएको हावाहुरीका कारण खोटाङतर्फ आउने ३३ केभी प्रसारण लाईनमा फल्ट हुंदा विधुत अवरुद्ध भएको हो ।

साउने–जलजले रुटमा समस्या देखिएपछि आइतबार बिहानैबाट त्यस रुटमा प्राविधिक खटाएर फल्ट पत्ता लगाउने काम भइरहेको नेपाल विधुत प्राधिकरण दिक्तेल वितरण केन्द्र प्रमुख रामदिनेश राय यादवले जानकारी दिए । यादवका अनुसार रुखहरु ढलेर लाइन अवरुद्ध भएको अनुमान गरिएको छ ।

विधुत अवरुद्ध हुंदा सरकारी कार्यालय, गैर सरकारी कार्यालय, विभिन्न संघसंस्था, वैक, वित्तिय संस्थाको दैनिक कामकाजमा समस्या भएको छ । खोटाङका करीव १३ हजार ग्राहक अन्धाकारमा वस्न बाध्य बनेका छन् । खोटाङको बुईपा सव–स्टेशनबाट ओखलढुंगामा ३३ केभी प्रसारण लाईन विधुत विस्तार भएका कारण ओखलढुंगा पनि अन्धकार बनेको छ ।
२०७६ भदौ ८ गते दिउँसो २ :४३ मा प्रकाशित