समायोजन खबर नेपालगञ्ज,
नवौं राष्ट्रिय खेलकुद प्रतियोगिता गण्डकी प्रदेशमा हुने भएको छ । आज राष्ट्रिय खेलकुद परिषदको बैठकले राष्ट्रिय खेलकुद प्रतियोगिताको ९ औं संस्करण गण्डकी प्रदेशमा हुने निर्णय गरेको हो । खेल आगामी वर्षको फागुन २० गतेदेखि २७ गतेसम्म संचालन हुनेछ । राखेपका सदस्य सचिव केशव कुमार विष्टका अनुसार नवौं संस्करणको खेलका लागि कसैले दावी नगरेपछि खेल गण्डकी प्रदेशमा गरिने भएको हो ।

यसैविच, ओलम्पियन पौडीबाज गौरिका सिंहले आठौं राष्ट्रिय खेलकुदमा १२ स्वर्ण जितेर कीर्तिमान बनाउनुभएको छ । उहाँले आज चार स्वर्ण जित्नुभएको हो । यससँगै आठौं राष्ट्रिय खेलकुदमा उहाँको स्वर्ण संख्या १२ पुगेको हो । गौरिकाले पहिलो र दोस्रो दिन २–२ स्वर्ण जित्नुभएको थियो भने तेस्रो दिन चार स्वर्ण जित्नुभएको थियो ।
२०७६ बैशाख ११ गते राती ८ :३७ मा प्रकाशित