समायोजन खबर खोटाङ, एसिया ट्रेल मास्टरमा नेपालको प्रतिनिधित्व गर्दै खोटाङको ऐंसेलुखर्क गाउँपालिका–२ बाकाचोलकी प्रिया राईले उपाधि जितेकी छन्।

फागुन १६ गते हङकङमा सम्पन्न एसिया ट्रेल मास्टरमा प्रियाले, महिलातर्फ ७२ किलोमीटरमा पहिलो हुँदै स्वर्ण जितेकी हुन्। २३ वर्षीया प्रियाले ९ घण्टा ५७ मिनेटमा निर्धारित दूरी पूरा गरेकी थिइन्।

सन् २०१५ देखि सुरु भएको एसिया ट्रेल मास्टरको १० वर्ष इतिहासमा नेपालको प्रतिनिधित्व गरी प्रियाले दुई पटक उपाधि जितेकी हुन्। चर्चित अल्ट्रा धाविका प्रियाले यसअघि सन् २०२४ मा पनि एसिया ट्रेल मास्टरको उपाधि जितेकी थिइन्।

उनले विभिन्न देशहरुमा नेपालको प्रतिनिधित्व गरी अल्ट्रा रनिङमा नेपाललाई मेडल जिताएकी छन्। एसिया ट्रेल मास्टरमा नेपालका तर्फबाट अहिलेसम्म पुरुषले उपाधि जित्न सकेको छैन।