समायोजन खबर खोटाङ,
रावाबेँसी गाउँपालिका–१ कुभिण्डे र दिक्तेल रुपाकोट मझुवागढी नगरपालिका–१३ नुनथला जोड्ने सडक निर्माण उद्घाटन गरिएको छ । स्थानीय पुर्वाधार साझेदारी बिकास कार्यक्रम अन्तरगतको १९ लाख ८० हजारमा निर्माण गरिएको कुभिण्डेको निगाले–जौबारी नुनथलाचौकी सडक आईतबार प्रदेशसभा सदस्य राजन राईले उद्घाटन गरेका हुन् ।

कुभिण्डेबाट नुनथला निस्कने सबैभन्दा छोटो मार्गकारुपमा २ किलोमिटर सडक निर्माण गरिएको हो । प्रतिघण्टा ५ हजार ५ सयका दरले स्काभेटर लगाएर सडक निर्माण गरिएको सडक निर्माण उपभोक्ता समितिका सचिव दिपक ठटालले बताएका छन् । कुभिण्डेबाट नुनथलाको पानीट्यांकी निस्कने दुई वटा सडक भए पनि निगाले–जौबारी नुनथलाचौकी सडक सबैभन्दा छोटो हुने उपभोक्ता समितिको दाबी छ ।

कुभिण्डेबाट नुनथलाको पानीट्यांकी निस्कने सडक धेरै घुम्ती भएको र ग्रेड नमिलेको तथा कुभिन्डे–खार्पा–बिजुले–नुनथला सडक घुमाउरो भएकाले तेश्रो सडक निर्माण गरिएको हो । भिरालो जग्गा भए पनि ८ मिटर चौंडाई भएको सडक निर्माण गरिएको छ ।उपभोक्ता समितिले कुभिण्डेको सल्लेरी सामुदायीक वन र खार्पाको पातल धोवीखोला सामुदायीक वन तेर्सोबाट निगाले–जौबारी नुनथलाचौकी सडक निर्माण गरेको हो । दुई वटै उपभोक्ता समितिको सहमतीमा वनक्षेत्रबाट सडक निर्माण गरिएको सडक निर्माण उपभोक्ता समितिका सचिव ठटालले बताए ।
२०७६ बैशाख २ गते साँझ ५ :५४ मा प्रकाशित