चिसाङ शेर्पा खोटाङ,

विधुत प्राधिकरण दिक्तेल वितरण केन्द्रले निःशुल्क विधुतीय मिटरबक्स बाँड्न थालेको छ । प्राधिकरणको कार्यालय दिक्तेलबाट अति विपन्न वर्ग तथा साँस्कृतिक महत्वका सम्पदाहरुलाई निःशुल्क मिटर बाड्न तथा जडान गर्न थालेको हो ।

सुचना जारी गर्दै प्राधिकरणले विपन्न वर्गकालाई स्थानीय तहको सिफारिस, नागरिकताको प्रतिलिपी एक/एक थान, पासफोर्ट साईजको तीन वटा फोटो र अति विपन्न मान्ने प्रमाणित कागजको आधारमा निःशुल्क विधुतीय मिटरबक्स दिन थालेको कार्यालय प्रमुख राम दिनेश राय यादवले बताए । साँस्कृतिक सम्पदाको हकमा धनिपुर्जाको प्रतिलिपी एक थान र साँस्कृतिक सम्पदा हो भन्ने प्रमाणित कागज आवश्यक हुने प्राधिकरणको भनाई छ ।

२०७५ चैत्र २१ गते अपरान्ह ४ :२१ मा प्रकाशित