समायोजन खबर खोटाङ,
जिल्लाको दिक्तेल रुपाकोट मझुवागढी नगरपालिका–६ नेर्पाको ७० वर्षीय टिकाराम गुरुङको लडेर ज्यान गएकोे छ । मंगलबार गहुँ हेरचाहका लागि खेतमा पुगेर दाउराको भारी लिएर घर फर्कनेक्रममा गुरुङको लडेर ज्यान गएकोे वडा सदस्य चित्र राईले जानकारी दिए ।

साबिकको नेर्पा–८ का गुरुङको साविकको नेर्पा–१ मा रहेको खेतबाट फर्कनेक्रममा साकेलाथान नजिकै लडेर ज्यान गएकोे हो । घट्नास्थल मुचुल्का तयार पारेर मृतकको शव पोष्टमार्टमका लागि जिल्ला अस्पताल दिक्तेल ल्याइएको जिल्ला प्रहरी कार्यालय खोटाङका प्रहरी निरिक्षक केशव कट्वालले बताए ।
२०७५ फागुन २८ गते साँझ ५ : २२ मा प्रकाशित