चिसाङ शेर्पा खोटाङ,
महिना दिनको अन्तरमा खोटाङमा पुनः भारी हिमपात भएकोे छ । बिहीबार बिहान जिल्लाको उच्च पहाडी भूभागमा भारी मात्रामा हिमपात भएपछि केही समय जनजीवन प्रभावित भएको थियो ।

हिमपात भएसँगै जिल्लामा चिसो बढेको छ । जिल्लाको लेकाली भेगहरु मुढे, हुर्लुङ, नुनथला, गोपेनी, रुपाकोट, महुरे, ट्याम्के, नेर्पाको माथिल्लो भाग, खार्मी,छितापोखरी, खिदिमा लगायतका स्थानमा बाक्लो हिउ परेको छ । हिमपात भएपछि किसानहरु भने हर्षित भएका छन् । गत माघ १५ गते पनि भारी हिमपात भएको थियो ।

२०७५ फागुन १६ गते अपरान्ह २ : १४ मा प्रकाशित
सवै तस्विर चिसाङ शेर्पा