समायोजन खबर खोटाङ,
खोटाङमा चार दिनमै ५६ वटा बाँदर समातिएको छ । निकुञ्जमा पु¥याएर छाड्नेगरी दिक्तेल रुपाकोट मझुवागढी नगरपालिका–५ लफ्याङको छर्का, लुछिम लगायतका स्थानबाट बाँदर समातिएको हो । भारतीय शिकारीले जंगलमा जाल थापेर गत मंगलबारदेखि शनिबारसम्ममा ५६ बाँदर समातेको नियन्त्रण तथा व्यवस्थापन समितिका कोषाध्यक्ष मनोज राईले जानकारी दिनुभयो ।

अन्नबाली सखाप पारेर किसानलाई हैरान पारिरहेका बाँदरलाई समातेर निकुञ्ज पु-याउनका लागि बाँदर नियन्त्रण तथा व्यवस्थापन समितिले जिल्लामा ‘बाँदर समाउ’ अभियान थालेको हो । खेतबारीमा लगाएको मकै, गहुँ, कोदो, अलैंची, आलु, धान, मास, दाल, करेला, सुन्तला, कागती, केरा लगायतका बालीनाली सखाप बनाएर हैरान पारेपछि बाँदरलाई खुसीनगर उत्तरप्रदेशका पेसेवार शिकारीमार्फत समातेर निकुञ्ज पु¥याएर छाड्ने अभियान थालिएको बाँदर नियन्त्रण तथा व्यवस्थापन समितिका अध्यक्ष दुर्गा प्रसाद घिमिरेले बताए ।
२०७५ फागुन १३ गते बिहान ८ : ५१ मा प्रकाशित