चिसाङ शेर्पा खोटाङ,
भुटानी महारानी आसी दोर्जी वाङमो वाङचुक सोमबार हलेसी आएकी छिन् । भुटानका राजा जिग्मे सिग्मे वाङचुककी जेठी पत्नी वाङचुक परिवारका सदस्यसहित हलेसी आएकी हुन् ।

उनीसँगै राजकुमारी सोनम डेक्चन वाङचुक, सोनमका छोरा जिग्जे सिङगे वाङचुक र नग्वाङ जिग्मे जिग्तेन वाङचुक र तथा राजपरिवारका अन्य सदस्य हलेसी आएका छन् । सोमबार दिउँसो ४ बजेपछि हलेसी प्रवेश गरेकी उनले शिवजीथान, पार्वती थान, बसाहा गुफाको दर्शन गरेका छन् । भोली बिहान विशेष पूजा गरी फर्कने कार्यक्रममा छ । उनलाई हलेसी तुवाचुङ नगरपालिकाका नगरप्रमुख इवन राईले स्वागत गरेका थिए । गत शुक्रबार महारानी वाङचुकले कपिलवस्तुमा अवस्थित बुद्ध जन्मस्थल लुम्बिनी र शनिबार तिलौराकोट अवलोकन गरेकी थिइन् ।
२०७५ माघ १४ गते राती ९ : ०२ मा प्रकाशित