चिसाङ शेर्पा खोटाङ,
खोटाङमा सिमा राईको अध्यक्षतामा १३ सदस्यीय किरात राई विधार्थी संघ इकाई कार्य समिति गठन भएको छ । सोमबार हलेसी तुवाचुङ नगरपालिका–३ च्यास्मीटार मावि च्यास्मिटारमा गठन भएको समितिको उपाध्यक्षमा योगेन्द्र राई, सचिवमा पूजा राई, सहसचिवमा निमन राई र कोषाध्यक्षमा सुनिता राई छन् ।

आगामी वर्षको बैशाख २६,२७ र २८ गते दिक्तेलमा हुने किरात राई विधार्थी संघको नवौं राष्ट्रिय सम्मेलनलाई भव्य रुपमा सफल बनाउका लागि इकाई कार्य समिति गठन गरिएको हो । समिति गठनमा किरात राई विधार्थी संघ जिल्ला कार्य समिति उपाध्यक्ष भूमिका राई र संघका केन्द्रिय अनुशासन विभाग प्रमुख उदिम चाम्लिङको उपस्थिती रहेको थियो । सम्मेलनलाई थप प्रभावकारी र भव्य बनाउन किरात राई विधार्थी संघले जिल्लाको मावि तथा क्याम्पसहरुमा इकाई कार्य समिति गठन गरिरहेको छ ।
२०७५ माघ १४ गते साँझ ७ : ३४ मा प्रकाशित