समायोजन खबर खोटाङ,
खोटाङमा लामिडाँडा, मनमाया राई खानीडाँडा र थामखर्क विमानस्थल छन् । त्यहाँ ओर्लिएर छोटो सडकमार्गबाट हलेसी आउन सकिन्छ । तर, यी तीनै विमानस्थल कालोपत्रे भइरहेका कारण सञ्चालनमा छैनन् । त्यसैले हलेसी दर्शनका लागि सडक नै मुख्य यातायातको माध्यम हो । हलेसीलाई पुष्पलाल लोकमार्ग (मध्यपहाडी लोकमार्ग)ले छोएको छ । काठमाण्डौबाट लगभग २३० किलोमिटर यात्रा गरेपछि हलेसी आउन सकिन्छ ।

विराटनगर, धरानतिरबाट पनि सिधै बस चढेर हलेसी आउन सकिन्छ । छोटो दुरी तय गरेर तराई–मधेसबाट हलेसी आउन सकिन्छ । जस्तो कि सिरहाको मिर्चैयाबाट लगभग १ सय किलोमिटर यात्रा गरेर हलेसी आउन सकिन्छ । बर्दिबासबाट सिन्धुलीगढी हुंदै आउँदा लगभग १५० किलोमिटर यात्रा गरेपछि हलेसी आउन सकिन्छ । भोजपुर, संखुवासभाबाट पनि गाडी चढेर हलेसी आउन सकिन्छ । पुष्पलाल लोकमार्ग निर्माण सम्पन्नपछि पूर्वका कुनै पनि जिल्लाबाट हलेसी दर्शन गर्न आउन सकिन्छ ।
२०७५ माघ २ गते साँझ ६ : ३२ मा प्रकाशित