समायोजन खबर खोटाङ,
खोटाङका बहुप्रतिभाका धनी धर्मराज पोखरेलले जिल्लाबाट सञ्चालित एकवटा अनलाईनलाई विधुतीय सामग्री प्रदान गरेका छन् । चर्चित लोक गायक, ईन्जिनियर, राजनीतिकर्मी, रचनाकार, मोडल तथा समाजसेवी पोखरेलले संञ्चार जगतको बृद्धि र विकासका निम्ति डिजिटल अनलाईन समायोजन खबर डटकमलाई एक/एक थान ल्यापटप र रेकर्डर प्रदान गरेका हुन् ।

सुचना र समाचार सम्प्रेषणमा क्रियाशिल पत्रकार र उनीहरु संम्बद्ध मिडियाहरुमध्ये खोटाङबाट सञ्चालित समायोजन खबर डटकमलाई शुक्रबार दिक्तेलस्थित होटल भिलेजमा ४२ हजार बराबरको लेनोभो ब्राण्डको ल्यापटप, ९ हजार बराबरको सोनी कम्पनीको रेकर्डर बहुप्रतिभाका धनी पोखरेलले अनलाईनका अध्यक्ष तथा सञ्चालक चिसाङ शेर्पालाई प्रदान गरेका हुन् ।

बिगत चारवर्ष अघिबाट सञ्चालनमा आएको अनलाईनसहित नवसंवाद पाक्षिकका प्रकाशक/सम्पादक तथा वरिष्ठ पत्रकार कृष्ण आचार्य र पत्रकार दमन राईलाई सोही कम्पनीको एक/एक थान रेकर्डर प्रदान गरिएको पोखरेलले जानकारी दिए । निकट समयमा खोटाङ खबर साप्ताहिकका सम्पादक/प्रकाशक दिलिप खत्री र प्रभावन्यूज डटकमका अध्यक्ष तथा सञ्चालक उत्तम चौलागाँईलाई एक/एक थान रेर्कडर प्रदान गर्ने घोषणा गरे ।

जिल्लामा केही विधुतीय सञ्चार माध्यम रहेको तर, कसैको त्यसतर्फ ध्यान नगएको तितो यथार्थ औलाउदै क्रियाशिल पत्रकार र सञ्चार माध्यमलाई हौसला स्वरुप विधुतीय सामग्री प्रदान गरेको उनले बताए । मोफसलबाट गरिरहेको पत्रकारिताको प्रशंसा गर्दै पत्रकारितामा कसैलाई बञ्चित र जाती पार्टी नछुटाई कलम चलाउन समेत जिल्लाका पत्रकारहरुलाई उनले आग्रह गरेका छन् । २०२९ कार्तिक २६ गते तत्कालिन बिजयखर्क हाल दिक्तेल रुपाकोट मझुवागढी नगरपालिका–१५ बिजयखर्कमा जन्मिएका उनी चर्चित लोकगायक पनि हुन् । भखैरै मात्रै पुर्वाञ्चलसहित जिल्लाकै पहिलो ब्यक्तिको रुपमा सगरमाथा म्यूजिक अर्वाड र बिन्दाबासिनी म्युजिक अर्वाड पाईसकेका छन् । हालसम्म उनको १९ वटा लोकगीत बजारमा आईसकेको छ ।
माथी तस्विरमा : विधुतीय सामग्री प्रदान गर्दै बहुप्रतिभाका धनी धर्मराज पोखरेल(दायाँ) लगायत, तस्विर समायोजन खबर, २०७५ मंसिर १४ गते साँझ ६ः ४९ मा प्रकाशित