चिसाङ शेर्पा खोटाङ,
खोटाङको दिक्तेल बजारमा सिसी क्यामेरा जडानको काम सुरु भएको छ । दिक्तेल बजारभरीको अपराधिक गतिविधिलाई नियन्त्रण गर्ने उद्देश्यले सिसी क्यामेरा जडानको काम सुरुवात गरिएको हो ।

दिक्तेल बजार व्यवस्थापन कार्यक्रम अन्तरगत नगरपालिकाको १० लाख लगानीमा पहिलो चरणमा बजारको ८ स्थानमा सिसी क्यामेरा जडानको काम भईरहेकोे दिक्तेल रुपाकोट मझुवागढी नगरपालिकाका नगर प्रमुख दिपनारायण रिजालले बताए । उनका अनुसार दिक्तेलको हाँटडाँडा, भानुचोक, अस्पताल चोक, पूरानो बैंक चोक, त्रिवेणीचोक, भवन गैरा, बेशक्याम र रत्नपार्कमा सिसी क्यामेरा जडान गरिनेछ ।

हाईटेक आईटी सोलुसनले जडान गरिरहेको काम अन्तिम चरणमा पुगेको नगरपालिकाका आईटी अफिसर सुवास राईले जानकारी दिए । बजारको ८ स्थानमा जडान गरिएको सिसी क्यामेराले नदेखिएको खण्डमा पछि थप गरिनेछ ।
२०७५ मंसिर १३ गते दिउँसो २ : ३४ मा प्रकाशित