समायोजन खबर खोटाङ,
जबरजस्ती चन्दा उठाएको मुद्दामा खोटाङमा किरात जनबादी वर्कर्स पार्टीका दुई कार्यकर्ता जेल चलान भएका छन् । जिल्ला अदालत सोलुखुम्बु जबरजस्ती चन्दा उठाएको मुद्दामा २०७३ साल जेठ ३१ गते जनही २ हजार जरिबाना र २ वर्ष कैंद सजाय सुनाइएका ऐसेलुखर्क गाउँपालिका–४ जलेश्वरीका ईश्वरकुमार राई र क्रान्तीलाल भनिने तौलकुमार राइ जेल चलान भएका हुन् ।

जबरजस्ती चन्दा उठाएको मुद्धामा आईतबार राती पक्राउ परेका वर्कर्स (बिद्रोह समुह)का कार्यकर्तालाई सोमबार जिल्ला अदालत खोटाङमा पेश गरिएकामा कैंद भुक्तानका लागि तत्काल जेल चलान गरिएको प्रहरीले जनाएको छ । जेल चलान भएका राईद्धय वर्कर्सका केन्द्रीय सदस्य हुन् । वार्ताको चरणमा रहेकाबेलामा आफ्नो कार्यकर्ता पक्राउ गरिएको भन्दै वर्कर्सले आपत्ती जनाएको छ ।
२०७५ मंसिर १० गते साँझ ७ः ५३ मा प्रकाशित